Baserrietatik sortu eta elkarlanean ereindako hazia ernaltzen
Aramaioko baserritarren elkartea 80. hamarkadan sortu zuten 90 baserritako ordezkari bana batu eta ARBEL SAT (Sociedad Agraria de Transformacion) eratu zutenean.
Helburu nagusia ganaduentzako pentsua eta bazka elkarlanean elaboratu eta Aramaioko abeltzaintza jarduera hobetzeko kanpaina eta programetan elkarrekin parte hartzea zen.
1984. urtean ARBELen egungo pabiloia eraiki eta bertan pentsua elaboratzen hasi ginen. Hasieran bazkideentzat egiten zen pentsua baina laster hasi ginen Aramaioko zein inguruko herrietako baserritarrentzat ere bazka banatzen.
